خامنه اي ته د اسرائيل د دفاع وزير سخت خبرداری
Dojče vele pre 23 dana
د ایران او اسرائيل ترمنځ د کړکيچ په پنځمه ورځ هم ښکیلو اړخونو پر يو بل د توغنديو بريدونه وکړل. په دې منځ کې د اسرائيل د دفاع وزير د ایران روحانی مشر آيت الله علي خامنه اي، ته د «صدام حسين په څېر برخلیک» ګواښ کړی دی.
د اسرائيل د دفاع وزير اسرائيل کاتڅ، د ايران روحاني مشر آیت الله علي خامنه اي، ته کلک خبرداری ورکړی دی او ویلي دي چې که چېرې د اسرائيل پر وګړو بريدونه ته دوام ورکړي نو دی هم د «صدام حسين په څېر انجام» سره مخامخ کيدلای شي. د سې شنبې په ورځ د کاتڅ، له دفتر څخه په جاري کړل شوې اعلامیه کې ويل شوي: «زه ایراني ديکتاتور ته خبرداری ورکوم چې د جنګي جرمونو او د اسرائيل پر وګړو د توغندیو توغولو څخه ډډه وکړي. هغه بايد په ياد ولري چې زموږ د ګاونډي هېواد د هغه ديکتاتور انجام څه
