ترمپ: خلک دي له تهرانه ووځي
Dojče vele pre 23 dana
د امریکا متحده ایالاتو ولسمشر دونالد ترمپ، د ایران او اسرائیل ترمنځ متقابلو بریدونو ته په کتو سره له میلیونو ایرانیانو څخه غوښتي دي چي ژر تر ژره له پلازمېني تهران څخه ووځي. آیا دا کار به د ډله ایزې تیښتې سبب سي؟
ترمپ پر خپل ټولنیز پلت فورم "تروث سوشال" باندي د یوه پوست په ترڅ کي لیکلي دي: «هر یو باید سمدستي تهران پریږدي.» د اټکلونو له مخې د ایران په پایتخت تهران کي چي له ورځو راهیسې د اسرائیل له خوا تر بریدونو لاندی دی، شاوخوا نهه میلیونه انسانان ژوند کوي. د اونۍ په پای کي لا پر لویو لارو باندي د موټرونو د اوږدو کتارونو په هکله رپوټونه ورکول سوي دي، ځکه چي ډېر اوسیدونکي له دغه ښاره د وتلو هڅه کوي. په تهران او د هغه په شاوخوا سیمو کي په مجموعي ډول ۱۵ میلیونه انسانان ژوند
