امريکا په منځني ختيځ کې د خپل سفارتي کارکوونکو شمېر کموي

د امريکا متحده ایالاتو ولسمشر دونالد ترمپ، ويلي دي چې د منځني ختیځ په بالقوه «خطرناکه» سيمه کې به د امريکا د سفارتي پرسونل شمیر کم کړل شي. نوموړي وويل چې دا ګام ځکه پورته کوي چې له ایران سره د اتومي خبرو په برخه کې خنډ او ځنډ د امنيتي وضعيت د خرابيدو ګواښ رامنځته کړی دی. ترمپ، چې کله په واشنګټن کې د خبريالانو له لوري د پرسونل د راکمولو په اړه وپوښتل شو، نو ویې ویل: «ښه نو دوی به را وايستل شي ځکه دا [منځنی ختيځ] يو خطرناک ځای کيدای شي.» هغه وويل: «موږ د وتلو