'Tadžikistanac stoji iza napada' na hram u iranskom Širazu
Slobodna Evropa 14.08.2023
Glavni sudija iranske pokrajine Fars Kazem Musavi rekao je 14. avgusta da državljan Tadžikistana stoji iza smrtonosnog napada na svetišta Šah Čerag koji se dogodio dan ranije u gradu Širazu.
Prema riječima Musavija, osam stranih državljana je uhapšeno pod sumnjom da su umiješani u napad na šiitsko svetište u kojem je ubijena jedna osoba, a nekoliko je ranjeno. "Glavni osumnjičeni se predstavio kao Rahmatulo Noruzov, a on je državljanin Tadžikistana", naglasio je Musavi. Zvaničnici Tadžikistana još nisu komentarisali ove navode Musavija. U oktobru 2022. u napadu na Šah Čerag ubijeno je 13 ljudi, a na desetine je povrijeđeno.
