Dikljaripe e nevipengo vaš 03.10.2016. ano 17h

BEOGRAD  -  Prezidento Srbijako Tomislav Nikolić vakargja avdive kaj e Srbija, te sine kaj o raštre Evropaka unijake na lena e migranten, musaj te phanen e granica. "Sakova ko pala amende phanela e granica, kerela dar te amen ova than kotar savo na inkljola o pani ini odova sito kaj kotar odova momenti amen musaj, bi dikhibasko ano sa, ano vakribe thaj mangipe, te phana e granica vaš o migrantja, soske na manglje te oven akate thaj te dživdinen akate", vakrgja o Nikolić e žurnalistenge  ani Palta Srbijaki. vov vakargja kaj te sine kaj EU anela reso te irinel e migranten, Srbija nane la nisavo phanibe te lel odole manušen. " Amen nane amen nisavo phanibe, te sine kaj anena reso te irinen milione manušen ani Srbija. Šaj te džan upral e Srbija, te učarinen jase te legaren e manušen odotar ktoar akhrade len te aven", vakargja o Nikolić. vov vakargja te sine kaj Eu nane " holjali" ani Hungarija vaš o maškaribe vaš o migrantja, na ka oven ni ani Srbija. Nikolić vakargja kaj Beogradi sakova dive sile vakrie e Briselea ini kaj e Srbijake na manglape po but kotar 5.000 jase 6.000 thana vaš o bešipe e migrantengo. Vov vakargja kaj bipaćaibasko sito kaj e Srbija sitoj angluni raštra savi ani Balkaneski ruta registrinela e migranten" sar kaj pele e devlesta".

BEOGRAD  -  Ministri andrune bukjengo Nebojša Stefanović vakrgja avde ano Beogradi kaj na adžikeral dramatikano javeribe e situacijako e migrantenca palo referendumi ani Hungarija. Stefanović e žurnalistenge vakrgja kaj akana nane vakaribe kaj ka avel dži o javeribe ani migrantengi politika Hungarijaki, numaj vakargja kaj paćala kja o thagarutnipe odola raštrako anglune ka vakarel e Beogradeske te sine kaj avela dži odova. " kotar e Hungarija sijamen korektno maškaribe ini kaj nane sa lengo reslipen so kerela amenge po loke o dživdipe. Gođihale sijam soske EU nane la plani so ka ovel e ekonomikane migrantenca, ka lel li panda manuša. Amen sakova dive čhina leng avibe maškar 150 thaj 200 migrantja te aven ani amari tteritorija, numaj von panda ka keren zor. Reslipen nane čhinavipe lenge avibasko  uć te džana so te kera lenca", vakargja o Stefanović. Komentarišiba e situacijako ano BiH thaj Republika Srpska palo lokalno avazipe, Stefanović vakrgja kaj e Srbija na ovela maškar ano andrune šeja javer raštrenge ini sar vakrgja, ano lako interesi sito te ovel tehnipe ini stabilipe ano sa paše raštre. " Majbut pačava kaj palo avazipe na ka ovel tenzije ano BiH thaj RS ini kaj po but ka vakaren vaš e ekonomija ", vakargja o Stefanović e žurnalistenge ani Kriminalistikano-policijaki akademija, palo dikhibe e generacijako neve studentengo.

BEOGRAD  - Ministri andrune bukjengo Nebojša Stefanović vakrgja avdve kaj vaš o čhinibe e maškaribasko e listako Politika e karikaturistea Dušan Petričićea nane šaj te komentarišinel, soske " na džanela but vaš e materija". Kurkoski Politika idž inklisto bi Petričićeska karikaturako ano šerutni rig plo so lea čhibnde e buteberšhengo maškaribe. Petričić vakargja kaj vaš soske čhinde o maškaribe nane odova so " na sine šukar thaj ašundilo" ini na manglja te kerel komporomisja ini te lel te sikavel po tikne karikature premijereske Srbijkae Aleksandar Vučićeske. Stefanović vakriba e žurnalistenge palo leibe e neva generacijako studentengo Kriminalistikano-policijaka akademijako vakargja kaj na diklja ni jekhm karikatura piri soske isile " but buti". " Šaj te o karikaturistja keren piri buti, žurnalistja piri, numaj šaj te ačhaven o hakaj te vakakara amaro gndipe", vakargja o ministri.

BEOGRAD  -  Prezidento Srbijako Tomislav Nikolić vakargja avdve ano Beogradi te odova so o Srbi ka ovel šerutno komunako Srebrenica ani Republika Srpska na sito kaj manglape te bistaren o bilačipe savo kerde o Srbija ani odoja komuna. Nikolić e žurnalistenge ani Palata Srbijaki vakrgja kaj gndinela kaj lokalno thagarutnpe ani Srebrenica manglape te lunđarel te kerel beršipe bilačipasko savo kerdeani Srebrenica 1995. beršheste. Vov vakrgja kaj lokalno thagarutnpe anela reso lokalno problemenge ini dikhela sar te ažutinel korkore e dizutnenge. Ani Bosna thaj Hercegovina idž kerde o lokalno avazpe, a po džiakanutne informacije ani Srebrenica anglal sito o kanidati srbikana partijako anglal o kandidati bošnjakenge partijengo. Nikolić vakrgja kaj but sito bahtalo so o Konsili independent socijaldemokratengo Milorad Dodikesko sine angluno ano avazpe ani komuna ani Hercegovina te adžikeral kaj e Hercegovina akana na ka ovel panda ani Republika Srpska.

SARAJEVO  -  Ani komuna Srerbrenica ano avazipe vaš o šerutno odola dizako kerela o kandidati srbikane partijengo save siton kotar e koalicija " Zajedno za Srebrenicu" Mladen Grujičić, vakarde avdve kotar e Centralno avazpaska komisijata BiH (CIK BiH). Po bipherde infomacije, Grujičić ljelja 67.96 procentja e avazzpasko, jase ljelaj deibe e vastesko e 3,3334 avazja  e dizutnengo. ano dujto than sito independent kandidati Ćamil Duraković e 31,76 procentja e avazengo, jase 1,558 avazja. Independent kandidati Desnicako Radivojević ljelja 14 avazja jase 0,29 procentja. Lafi sito vaš o 21 diklo avazipasko than 877,78 procentja), dži kana panda na diklje šov avazipaske thana (22,22 procentja). Po informacije CIK-eske ani Srebrenica ano avazipe inlistilo 13,763 dizutne.

PRIŠTINA  -  Thagaru5tni Kosovaki ka lel jekhutne butkja te sine kaj e Thagarutni Srbijaki lunđarela e phanibe e uče oficirengo jase kosovake oficialno dženengo, vakrgja avdve o ministri avrune bukjengo Kosovako Enver Hodžaj. Ano vakribe vaš o radio Slobodna Evropa, Hodžaj vakrgja kaj o phanibe e regionelno direkotoreso Policijako Kosovako vaš o teluno kotor e Mitrovicako Nehat Tači sito bilačo keribe ini vakagja  kaj kerena buti ano odova te inkljol ano mestipen. Ano fudo e vakribasko vaš o phanibe e krisesko ano Niši, Tači phande 29. sptembarea, ano administrativo drom Končulj vaš o došalipe vaš o terorizmi. Dive palo dova vaakrde leske phanibe kotar 30 dvie. " Akava manglape te dikhel pa ano po baro vakaribe. Srbija barjargja o asortimani e provokacijengo ano dikhibe e Kosovako thaj regionesko....Odova sito bileibasko", vakrgja o šefi e kosovaka diplomatijako. Thagarutnipe ani Priština manglje t o pučibe e phanibasko e Tačijesko putarel pe dural o vakribe savo ka ovel ano Briseli, a Evropaki unmija dži akana na vakargja vaš odova pučibe.

SARAJEVO  -  Prezidento Republikako Srpskako Milorad Dodik avdve na avilo ano Krisibe ano BiH, kote , sar došalo, manglape sine te del vakribe ano phanibe e adikaribaso e referendumesko 25. septembarea vaš o Dive e RS, savo o Konstitucijako krisi BiH čhingja. Ašunibe sine vakrdo vaš 11.00, a Dodik na avilo ano Krisibe BiH so anglal ini vakargja. Vov vakargja kaj na ka džal ano Krisi BiH ano Sarajevo, numaj kaj sito khondž te del vakaribe ano javer institucija ani teritorija Republikaki Srpskaki. Portparoli Krisesko BiH Boris Grubešić vakargja kaj Krisi BiH " lunđarela aktivibe , keriba rodipaske bukjengo ini pučiba e došalengo".

NIŠ  -  Nišeski policija arakhlja ani javin kotar 9.00 ore ano familijako kher ano Medoševac o trupo romnjako, dži kana lako rom araklje le khuvdo, vakrde e agencija Betake ani Policijaki direkcija ano Niši. Po vakribe e šerutne ani Polcijaki direkcija, muršhe legarde ano Urgentno centro Klinikake centrosko ani Niši. " Rodipe ka ovel, policija garavela o than kote ulo akava bilačipe, a odote sito ini o učo krisi", vakrde ani policija. Vakrela pe kaj vaš soske ulo o mudaripe ini pharo khuvibe kaj odova kerde o čora, a o čoribe vakrgja o pašo kheresko manuš savo ašungja e čhingar. Phare khuvdo muršh odole manušeske vakrgja kaj ani javin sine te legarel e čhave ani autobuseski stanica, a kana irindisalo avilo ano kher ini dajekh khuvgja le kotar o dumo in pelo.

BEOGRAD  -  Independent amalipe e žurnalsitengo Srbijako ( NUNS) vakrgja avdive kaj baripe e verbalno tostipenesko ini vakaribe e bikamibaso ano medije ini sar vakariabe vakargja o šerutno lil e avdveske lilesko " Informer" ano savo , ktoar o bilačo vakaribe, atakime ini e ombudsmane dizutnenge Saša Janković. " Majbut sijam gođihale vaš o vakaribe vaš odova sar so po but vaš o džene, ano akava procesi sito o ombudsmani Saša Janković, ano sa nane e reakcija e raštrake institucijengi. Anglo sa, Ministribe e kulturako thaj infomašibasko, sar ini majuče reprezentatorengo thagarutnipasko, save e dizunenge dela nota kaj o bilačo vakribe sito leibasko vaš sa o dizutne", vakarela pe ani nota. Divesko lil Informer avdive ano šerutno lil vakargja vaš o teksti vaš o jankovići talo vakribe " Saša janković čhungarela pi Srbija- Citut bre, bilačea!". NUNS vakarde kaj hakaj sakole medijesko sito te inkalel kritikano vakribe vaš o dizutnengo vakaribe thaj politikane thaj javer dženengo, numaj kaj si phanibe te paćal pe kodeksi e žurnalistenga profesijako, jase te na del pe zor vaš o bikamibete promovišinel pe putardo ini argumentirimo dijalogi.

BEOGRAD  -  Demokratikani partija (DS) vakargja avdve kaj ka vakarel te ano teharasko bešipe Parlametneso dizako Beogradesko formirinel pe komisija e bukja te pučjlarel eventualno maškaribe e dizake dženengo ano peravibe e objektengo ano thanbešipe Savamala ango nekobor maseka. " Akharibe e dizakečekatunesko Beogradesko Sinša Mali te sikavel kaj leske lafja ktoar e emisija " Insajder" kaj mangla te putarel ko kergja odova ano thanbešipe Savamala. Majšukar dorm te odova sikavel sito te ano teharasko bešipe ano Parlamenti dizako lel nekobor droma inkaldo vakribe e DS te o divekso rendo phrerel pe e vakriba ini bilačipa so ulo ani rjat maškar 24. thaj 25. aprili", vakrgja o prezidento beogradeske konsilesko DS Balša Božović. Božović vakrgja kaj e lokacija savo o džene e dizake Beograd po sigate cidena vaš omangipe e keribasko e peorjektesko Beograd na vodi, a kaj o premijerei Aleksandar Vučić ano juni vakargja kaj palo peravibe " sito majuče džene e thagarutnpaske e dizake ano Beogradi".

(Beta, 03.10.2016)